ទំនុកចិត្តចំពោះខ្លួនឯងគឺជាគន្លឹះដ៏សំខាន់ក្នុងការជោគជ័យផ្ទាល់ខ្លួននិងវិជ្ជាជីវៈជាពិសេសសម្រាប់បុរស។ វាមិនមែនជារឿងដែលកើតឡើងដោយឥតមានការគិតទុកជាមុននោះទេប៉ុន្តែជាចំណេះដឹងនិងជំនាញដែលអាចរៀននិងអភិវឌ្ឍបាន។ ចាំច្បាស់ថា ការមានទំនុកចិត្តមិនមែនជារឿងអាក្រក់ឬការមានភាពអំណួតនោះទេ ប៉ុន្តែវាជាការយល់ដឹងនិងការទទួលយកខ្លួនឯងនៅចន្លោះនិងការរៀនសូត្រជានិច្ច។ អ្នកចង់ក្លាយជាបុរសដែលមានទំនុកចិត្តមែនទេ? នេះគឺជាយុទ្ធសាស្ត្រដែលអាចជួយអ្នកដល់ដំណាក់កាលនោះបាន៖

១. យល់ដឹងអំពីខ្លួនឯង
ការមានទំនុកចិត្តចំពោះខ្លួនឯងចាប់ផ្តើមពីការយល់ដឹងអំពីខ្លួនឯង។ ធ្វើការពិចារណាលើ ចំនុចខ្សោយ ខ្លាំង និងតម្លៃរបស់អ្នក។ ការដឹងពីអ្វីដែលអ្នកចង់បានពិតប្រាកដនិងអ្វីដែលអ្នកត្រូវការដើម្បីសម្រេចនឹងធ្វើឱ្យអ្នកមានទំនុកចិត្តនៅក្នុងជីវិតប្រចាំថ្ងៃនិងឱកាសដែលអ្នកនឹងទទួលបាន។ កំណត់ស្តង់ដារជាបុរសរបស់អ្នកអោយបានច្បាស់លាស់។
២.បុរសនឹងគ្មានអ្វីនោះទេ បើគាត់មិនមានលុយនិងអំណាច
បុរសត្រូវតែខំប្រឹងពង្រឺងជំនាញ ជាពិសេសគឺជំនាញរកលុយ បើអ្នកគ្មានលុយគឺច្បាស់ណាស់អ្នកនឹងគ្មានទំនុកចិត្ត ហើយមនុស្សជុំវិញអ្នកនឹងមិនអោយតម្លៃអ្នកនោះទេ។ អ្វីដែលធ្វើអោយអ្នកក្រពិតប្រាកដមិនមែនជាស្ថានភាពបច្ចុប្បន្នរបស់អ្នកនោះទេ តែជាផ្នត់គំនិតរបស់អ្នកថាអ្នកកំពុងក្រសម្រាប់ភាពមានបាននៅថ្ងៃអានាគត (Being Poor) ឬក៏អ្នកមានផ្នត់គំនិតថាអ្នកនឹងមិនអាចសម្រេចអ្វីទាំងអស់និងរស់នៅក្រអស់មួយជីវិត (Staying poor)។

៣. កំណត់គោលដៅដែលមានសក្តានុពលនិងជាក់ស្តែង
បុរសត្រូវតែមានគោលដៅច្បាស់លាស់និងមានសក្តានុពល ពួកគេកំណត់គោលដៅដែលមានសុពលភាពនិងអាចសម្រេចបាន ហើយបន្តអភិវឌ្ឍកាន់តែខ្លាំងឡើងៗ។ ចាប់ផ្តើមពីគោលដៅតូចៗនិងស្វែងរកការទទួលបានការសម្រេចលើគោលដៅទាំងនោះ។
៤. អភិវឌ្ឍន៍និងកសាងរាងកាយអ្នក
បុរសត្រូវតែផ្តោតលើការកសាងសុខភាពរាងកាយអ្នក ឬការហាត់យកសាច់ដុំដើម្បីធ្វើអោយរាងកាយមានភាពរឺងមាំ បង្កើនទំនុកចិត្តផ្ទាល់ខ្លួន ជាពិសេសការធ្វើលំហាត់ប្រាណជាប្រចាំក៏ជាវិធីសាស្ត្រក្នុងការរក្សាតុល្យភាពរាងកាយផងដែរ។ការធ្វើលំហាត់ប្រាណជាប្រចាំនិងការថែរក្សាអាហាររូបត្ថម្ភត្រឹមត្រូវអាចមានឥទ្ធិពលដ៏ខ្លាំងលើសុខភាពផ្លូវចិត្តរបស់អ្នក។ ការបង្កើនថាមពលនិងអារម្មណ៍ល្អជួយអ្នកមានទំនុកចិត្តនៅក្នុងការងារនិងជីវិតជាក់ស្តែង។

៥. អភិវឌ្ឍសមត្ថភាពនិងចំណេះដឹង
ការមានជំនាញនិងចំណេះដឹងទូលំទូលាយអាចធ្វើឱ្យអ្នកមានអារម្មណ៍ថាអ្នកមានសមត្ថភាពនិងស្ថិតក្នុងកំពូល។ ចំណាយពេលក្នុងការសិក្សា និងអភិវឌ្ឍជំនាញដែលចង់បាននិងអាចជួយអ្នកក្នុងការសម្រេចគោលដៅ។
៦. រីករាយនិងរៀនពីការបរាជ័យ
បុរសមានទំនុកចិត្តមិនខ្លាចនូវការបរាជ័យនោះទេ ពួកគេសិក្សាពីវា រាល់ពេលដែលអ្នកឆ្លងកាត់ឧបសគ្គនិងរៀនពីការបរាជ័យអ្នកនឹងកាន់តែរឹងមាំនិងមានទំនុកចិត្តបន្ថែម។